Hans Helmut Mährle

Schreibwerkstatt

Literatur

Die Bücher sind im Buchhandel oder beim Autor erhältlich. Für weitere Informationen klicken Sie bitte auf die Bücher!

Bei der "Schwäbischen Post" bin ich für das Rieser Kaleidoskop zuständig.

Natürlich würde ich mich über einen Eintrag in meinem Gästebuch freuen!

Dr Flugplatz

Hans Helmut Mährle

Ds Häberg diba, a weng außerhalb,
isch em Krieag a Flugplatz gwesa,
den hott dia Wehrmacht durchgsetzt mit Gewalt.
Was do passiert isch, ka ma heit no auf am Denkmol lesa.

Wer denkt, do sen halt a paar Baracka gschdanda,
der wurd beim nähergugga schnell belehrt,
wann nieber gugsch über wie viel Gwanda,
wo dia Flugzeig domols hon vrkehrt.

Für da Endsieg war dös nemme entscheidend,
em Gegadoil, für die eigne Leit wars schlecht,
sia hon ja säa missa, wia die Gfangne Honger leidat,
wias quält wora sen von ihre Aufsichtsknecht.

Wia dann dr Krieg vrlora war
sen andere komma, abr oh so hongreng Gschtalta,
dia hon noch außa, augsäa wie dia Gfangnaschar
ma hott‘n agsäa, dass sia net freiwilleng en Häberg haltat.

Dia sen von do aus vrteult wora em ganza Land.
A jeds Dörfle hott do eu aufnemma miasa.
es war scho schwer, sia warat halt alle unbekannt.
Es isch de Riaser schwer gfalla, sia freindlich zu begrüßa,

ds oizeng Gute an der ganza Gschicht,
dass heit sechzg Johr schpäter no eune geba hott,
dia dem ganze Leida gschpendat hon a ganz nuis Gsicht:
A Denkmol, wo auf groaße Tafla schdott

was dia Leit aus dene viele Nationalitäta
auf dem Gelände daus ertrage hon,
wofür sia sichr oftmols o hon bedad?
Ma muaß doch wissa, für was oos heitzutage schtohn!

Es ka doch nett sei, es deff nett sei,
dass dös ganz Wissa schpurlos vrschwendat.
Sooscht wars omsooscht die Schenderei,
wann ma sagt: dös Kapitl isch für oos heit beendat.

Em Kopf mißat hanga bleiba a paar Sätz,
dia schwebat übr der ganza oguta Episode;
dass so was nie mehr passiera ka bei oos o jetzt,
isch d Aufgab für die und mie en oserer Periode.

 

 
   
Home Kontakt Impressum Gästebuch